Whisper of Words

  လူငယ် စာရေးဆရာ သိုးဆောင်းရဲ့ လက်ရာတွေကို သူ့စာဖတ်ပရိသတ် တွေက ပဟေဠိ၊ အတွေး အခေါ်၊ ဉာဏ်စမ်း၊ အချစ် စတဲ့ အကြောင်း အရာတွေကို ရောသမမွှေပြီး စိတ်ဝင်စားစရာဖြစ် အောင် ဖန်တီးရေး သားတတ်တယ်လို့ ထောမနာပြုကြပါတယ်။ အသက် ၂၂ နှစ်သာရှိသေးတဲ့ သိုးဆောင်းက စာပေလောကထဲကို ၂၀၁၀ ပြည့်နှစ်ကမှဝင်ရောက်လာခဲ့ သူဖြစ်ပြီးအချိန်တိုလေးအတွင်းမှာ ပရိသတ်လက်ခံမှုကို ရရှိနေသူတစ်ဦးဖြစ်ပါတယ်။မဆုတ် မနစ်အားထုတ်မှုတွေကြောင့် စာရေးဆရာ သိုးဆောင်းဘဝမွေးဖွား လာဖို့ ရွှေသမီးစာပေတိုက်နဲ့ လက်တွဲ ဖြစ်ခဲ့ပြီး ၂၀၁၀ ပြည့်နှစ်၊ ဖေဖော်ဝါရီလ ၁၄ ရက်နေ့မှာ ပထမဆုံးလုံးချင်းဝတ္ထု ဖြစ်တဲ့ 'အချစ်တောင်းခံလွှာ'ကို စတင်ဖြန့်ချိခဲ့ပြီးတဲ့နောက် 'သစ္စာမဖောက် ကြေးစာချုပ်'၊ 'သုံးခါနမ်းမှပွင့်မယ့်ပန်း'၊ 'အပေတေတစ်ယောက်ရဲ့ ကျောင်းဆင်း ချိန်'၊'တစ်ရက်'၊'ဘယ်သူလဲ'၊'ဆိုက်ကို ဆော့ဖ်ဝဲ (Psycho Software)'၊ 'သိုးဆောင်း'၊ 'သက်တံ့သစ်' နဲ့ ၂၀၁၁ မတ်လ ထဲမှာ ထွက်ရှိခဲ့တဲ့ ဆယ်အုပ်မြောက် လုံးချင်းဝတ္ထု 'နေကမ္ဘာ ရဲ့မီးအိမ်ရှင်' တို့နဲ့ သက်သေထူနိုင်ခဲ့ပြီ။ စာရေးသူတော်တော်များများဟာ စာစရေးတဲ့အချိန...