*** ပေါ်လီယာနာ *** ထင်လင်း အပိုင်း-၂၁ ________________ အဖြေပေါ်လာသော ပုစ္ဆာတစ်ပုဒ် ဂျွန်ပင်ဒယ်လ်တန် အိမ်ကြီးရှိရာ ကုန်းမြင့်မှ ပေါ်လီယာနာ ဆင်းလာတော့ မိုးသည် ထစ်ချုန်းရွာသွန်းတော့မည် အသွင်ဖြင့် ရုတ်တရက် မဲမှောင်၍ လာလေသည်။ အိမ်အပြန် လမ်းတစ်ဝက်သို့ ရောက်လျှင် ထီး ကလေးနှင့် လိုက်လာသော နန်စ်ကို တွေ့လိုက်ရ၏. ထိုအချိန်တွင်ကား မိုး တိမ်တို့သည် ရွေ့လျားသွားကာ မိုးရွာမည် အရိပ်နိမိတ်များ နည်းပါးသွား ပြန်သည်။ နန်စီက မိုးကို မှော်၍ ကြည်လိုက်ပြီး ... ။ “မြောက်ဘက်ကို ရွေ့သွားပြီလေ။ မမကတော့ ဒီလိုပဲ ထင်ခဲ့တာပါ။ ဒေါ်ပေါ်လီက ထီးနဲ့ သွားကြို ဆိုလို့သာ လာရတာ။ သူက သမီးအတွက် စိတ်ပူလို့လေ” ဟု ပြောပြီး၊ မိုးကို မှော်ကြည် နေပြန်၏။ နန်စီက မကျေနပ်။ “ဟွန်း” ဟု ဆိုလိုက်ပြီး ... ။ “သမီးက မမ ပြောနေတာ ကြားချင်ယောင်မပြုဘူး။ သမီးအဒေါ်က သမီးအတွက် စိတ်ပူနေတယ်လို့” ဟု ထပ်ပြော၏။ ပေါ်လီယာနာမှာ မကြာမီ အန်တီပေါ်လီအား မေးခွန်းတစ်ခု မေးရန်ကိုသာ သတိရလျက် သက်ပြင်း ချလိုက်မိသည်။ “စိတ်မကောင်း...
https://t.me/TheBookR