Whisper of Words

ရုရှားရိုးရာ ပုံပြင်လေး တစ်ပုဒ် ပြောပြမယ်နော်။ ဒီပုံပြင်ထဲမှာ တောအုပ် ထဲက ထူးဆန်းတဲ့ ဘာဘာယာဂါ လို့ ခေါ်တဲ့ အဘွားကြီးပုံစံ သတ္တဝါ တစ်ယောက် ပါတယ်။ သူက သူ့မျိုးနွယ်စုထဲမှာ နောက်ဆုံး လက်ကျန်ပေါ့လေ။ ဘာဘာယာဂါ ဟာ ဒဏ္ဍာရီပုံပြင်တွေထဲက ထူးဆန်းတဲ့ သတ္တဝါမျိုးနွယ်ဝင်ပါ။ တောအုပ်ထဲက သတ္တဝါဆန်းပေါ့။ တောသတ္တဝါ မကောင်းဆိုးဝါး စုန်းမကြီးလို့ အများက သတ်မှတ်ကြတယ်။ သူဟာ တောအုပ်ကြီးကို တစ်ယောက်တည်း ကြီးစိုးနေရတဲ့ တောဘုရင်မ ဆိုလည်း မမှားဘူး။ တစ်ယောက်တည်း နေထိုင် စားသောက်တယ်။ သူ့အကြောင်းပြောကြတဲ့ ဇာတ်လမ်းပုံပြင်တွေကြောင့် သူ့ရဲ့ အထီးကျန်မှုဟာ ပိုပြီး ခါးသည်းစရာ ကောင်းလာခဲ့တယ်လေ။ ကြောက်စရာကောင်းတဲ့ ကြမ်းတမ်းတဲ့ ဘာဘာယာဂါ ဘီလူးမကြီး ဆိုပြီး ပြောကြတဲ့ ပုံပြင်တွေကြောင့်ပေါ့။  ဒါကြောင့်လည်း ဘာဘာယာဂါ အဘွားကြီးဟာ အနီးအနား ရွာကလေးတွေက လူသားတွေ ဘဝကို ပျော်ပျော်ရွှင်ရွှင် ဖြတ်သန်းနေကြတာ အဝေးတနေရာကနေ ဘယ်သူမှ မမြင်အောင် ချောင်းကြည့် နေရတာပေါ့။ လူတွေ အတူတကွ ပျော်ရွှင်စွာ စကားပြောနေကြတာ၊ အလုပ်အကိုင်တွေ ဆောင်ရွက်နေကြတာ၊ လက်ထပ်မင်္ဂလာပွဲလို အခမ်းအနားတွေ ပြုလုပ်နေကြတာကို တိတ်တဆိတ်ပဲ သူဟာ ငေးမောနေလေ့ရှိပါတယ်။...